سەرۆک بارزانی: داوام لە ئەحمەد شەرع كرد لە سووریا نەبێتە شەڕی كورد و عەرەب

ئاڤا نیوز

سەرۆک بارزانی لە وەڵامی پرسیاری پەیامنێری ئاڤا لە ڤاتیكانەوە ڕایدەگەیێنێت، هەبوونی من لێرە مانای ئەوەیە كۆمەڵگەی نێودەوڵەتی هاتوون بە هانامانەوە. وتیشی، داوام لە ئەحمەد شەرع كرد شەڕی كورد و عەرەب لە سووریا دروست نەبێت.

چیرۆکی سەرەکی: ئەمڕۆ چوارشەممە، سەرۆک بارزانی بە سەردانێکی فەرمی گەیشتە ڤاتیکان لەگەڵ جێگری سەرۆكوەزیرانی ئیتاڵیا و وەزیری دەرەوەی ئەو وڵاتە كۆبووەوە و دوای كۆبوونەوەكەش وەڵامی پرسیاری ڕۆژنامەنووسانی دایەوە.

كوردستان حەسەن، پەیامنێری دیپلۆماسیی ئاڤا  بە سەرۆك بارزانی وت، پەیامێكتان بڵاوكردەوە و داواتان لە كۆمەڵگەی نێودەوڵەتی كرد بە دەنگی كوردەوە بێن، وەڵامی پاپای ڤاتیكان و بەرپرسانی باڵای ئیتاڵیا چی بوو.

لێدوانی فەرمی: سەرۆك بارزانی لەوەڵامی پەیامنێری ئاڤا وتی، "هەبوونی من لێرە مانای ئەوەیە هاتوون بە هانامانەوە."

سەرۆک بارزانی ئاماژەی بەوەكرد، سەرهەڵدانەوەی داعش مەترسییە بۆ هەموو لایەك و هەموومان هەست بەو مەترسییە دەكەین، پێویستە پلانێك هەبێت بۆ ڕووبەڕووبوونەوەی ئەو پێشهات و مەترسییە.

٠ لە كۆبوونەوەم لەگەڵ پاپای ڤاتیكان و بەرپرسانی باڵای ئیتاڵیا داوای پشتیوانیمان كرد و دۆخی ناوچەكەشمان تاوتوێ كرد لەپێناو هێوركردنەوەی گرژییەكان.

٠ داوام لە ئەحمەد شەرع كرد، لە سووریا نەبێتە شەڕی كورد و عەرەب، تەعەددا لە كورد نەكرێت، بە گفتوگۆ هەموو گرفتەكان چارەسەر بكەن.