مەسرور بارزانی و سەرۆکوەزیرانی لوبنان تاوتوێی کۆتایهێنان بە شەڕ و پێکدادانەکانی سووریا دەکەن

ئاڤا نیوز

مەسرور بارزانی سەرۆکوەزیرانی هەرێمی کوردستان، لە داڤۆس لەگەڵ نەواف سەلام سەرۆکوەزیرانی لوبنان کۆبووەوە و تاوتوێی شەڕ و پێکدادانەکانی سووریایان کرد و جەختیان لە پاراستنی ئاسایشی و ئارامی ناوچەکە کردەوە.

چیرۆکی سەرەکی: ئەمڕۆ چوارشەممە، مەسرور بارزانی، سەرۆکوەزیرانی هەرێمی کوردستان، لە داڤۆس، کۆمەڵێک دیدار و گفتوگۆی گرنگی ئەنجامدا و لەگەڵ سەرۆکوەزیرانی لوبنان کۆبووەوە و دواین پێشهاتەکانی دۆخی سووریایان تاوتوێ کرد.

زانیاریی زیاتر: بەگوێرەی ڕاگەیێندراوی حکومەتی هەرێمی کوردستان، لە کۆبوونەوەکەدا دۆخی گشتیی و دوایین گۆڕانکاریی و پێشهاتەکانی عێراق و ناوچەکە تاوتوێ کرا. هەردوولا جەختیان لە پاراستنی ئاسایش و سەقامگیریی سووریا، کۆتاییهێنان بە شەڕ و پێکدادانی سەربازیی کردەوە.

ئەمەش بزانە: هەر لە کۆبوونەوەی نێوان مەسرور بارزانی، سەرۆکوەزیرانی هەرێمی کوردستان و نەواف سەلام، سەرۆک وەزیرانی لوبنان، تاوتوێی پرسی چارەسەرکردنی کێشەکان لە ڕێگەی گفتوگۆ، دایەلۆگ و ڕێزگرتن لە مافەکانی گەلی کورد و گشت پێکهاتەکان کردەوە.