زانکۆی سەڵاحەدین کەمپەینێکی کۆکردنەوەی هاوکاری بۆ ڕۆژئاوای کوردستان ڕادەگەیێنێت

ئاڤا نیوز

زانکۆی سەڵاحەددین هەڵمەتێکی چوار ڕۆژەی بۆ کۆکردنەوەی هاوکاریی ماددیی و خۆراک بۆ کوردانی ڕۆژئاوای کوردستان ڕاگەیاند.

لێدوانی فەرمی: سامان عەبدوڵڵا، بەرپرسی ڕاگەیاندنی زانکۆی سەڵاحەددین بە ئاڤای ڕاگەیاند: کەمپەینەکە بەسەرپەرشتیی سەرۆکی زانکۆ و بە هەماهەنگیی ڕێکخراوەکانی قوتابییان و لاوان دەستیپێکردووە؛ لە هەموو کۆلێژ و بەشە زانستییەکان، سندوقی کۆکردنەوەی هاوکارییەکان دانراوە.

زانیاریی زیاتر: ئەم کەمپەینە نیشتمانییە لە ئەمڕۆ دووشەممە 26-01-2026ـەوە دەستیپێکردووە و هەموو 17 کۆلێژ و 90 بەشە ئەکادیمییەکەی زانکۆ دەگرێتەوە.

ئەوەی پێویستە بیزانیت: قوتابییان، مامۆستایان و فەرمانبەران دەتوانن لەرێگەی بەخشینی پارە، خۆراک و جلوبەرگ بەشدار بن لەم ئەرکە مرۆییەدا. هەڵمەتەکە تاوەکو ڕۆژی پێنجشەممە 29-01-2026 بەردەوام دەبێت و ئامانج لێی کۆکردنەوەی زۆرترین کۆمەکە بۆ یارمەتیدانی ئەو خێزانانەی لە ڕۆژئاوای کوردستان بەهۆی شەڕ و گەمارۆوە ڕووبەڕووی دۆخێکی سەخت بوونەتەوە.