دەلیل دیلانار بۆ ئاڤا نیوز: بەمزووانە ئەلبوومێک بڵاودەکەمەوە

ئاڤا نیوز

 

لە لێدوانێکیدا بۆ ئاڤا نیوز، دەلیل دیلانار، هونەرمەندی باکووری کوردستان باسی لە کار و پرۆژە هونەرییەکانی کرد و گوتی، بەمزووانە ئەلبوومێک بڵاودەکەمەوە.

 

ئاڤا نیوز: هۆکاری چییە ماوەیەکە لە کاری هونەری دووریت؟

دەلیل دیلانار: ڕاستە، ماوەیەکە لە کاری هونەری دوورم، بەڵام لەم ماوەیەدا بەرنامەی هونەریم کردووە، ئێستا کاری کۆنسێرت دەکەم بەتایبەتی لە باکووری کوردستان، سەرقاڵی ئەلبوومێکی نوێم و بەمزووانە پێشکەشی گوێگرانی دەکەم. 

 

ئاڤا نیوز: لە باکووری کوردستان ئازادی هەیە بۆ هونەرمەندانی کورد بۆ ئەنجامدانی کۆنسێرت؟

دەلیل دیلانار: کاتێک ئێمە دەچینە باکوور بۆ کۆنسێرتێک بەسەختی دەتوانین کۆنسێرت بکەین، هەندێک جار دوو ڕۆژ دەمێنێت بۆ کۆنسێرتەکە مۆڵەتمان نادەنێ بیکەین، هەندێک جار کۆنسێرتەکە ڕەت دەکەنەوە، بەڵام ئێمە هەر هەوڵ دەدەین کۆنسێرتی خۆمان و کاروباری هونەری خۆمان دەکەین.

 

ئاڤا نیوز: ئەگەر دەلیل هونەرمەند نەبوایە لە چ کارێکی تردا شارەزایی دەبوو؟

دەلیل دیلانار: من هەر لە سەرەتاوە وەک هونەرمەند گەورە بووم و لە خانەوادەیەکی هونەریم، ئێستا نازانم هیچ کارێکی دیکە بکەم، هەر کارێکی تر بکەم تێکی دەدەم، بۆ منیش گرنگترین شت کاروباری هونەرییە.