قاسم ئەعرەجی: عێراق ئێستا خاوەنی سەروەری خۆیەتی

ئاڤا نیوز

 

ڕاوێژکاری ئاسایشی نیشتمانیی عێراق لە پانێلێکی دیداری سلێمانیدا گوتی، پەیوەندییەكی گرنگمان لەگەڵ ئەمریكا هەیە و لەسەر بنەمای بەرژەوەندییەكان لەگەڵ لایەنەكان کار دەکەین.

 

وێنە گەورەکە: لەژێر ناونیشانی "کاریگەری هەڵوێستی عێراق لەسەر ململانێکانی ڕۆژهەڵاتی ناوەڕاست" ئەعرەجی بەشداری لە پانێلێکدا کرد و باسی دۆخی ئاسایشی عێراقی کرد. 

 

لێدوانی فەرمی: قاسم ئەعرەجی، ڕاوێژکاری ئاسایشی نیشتمانیی عێراق گوتی: "ئێستا عێراق خاوەنی سەروەری خۆیەتی؛ لەیەککاتدا دەتوانێت هاوڕێی ئەمریکا و ئێران بێت و وڵاتەکە ناوەندیی بەیەكگەیشتنی زلهێزەكانی جیهانە."

 

زانیاریی زیاتر: ئەو ڕاوێژکارە پێیوایە دەبێت هەموو عێراقییەكان لە پڕۆسەی سیاسیدا هاوبەش بن و هەماهەنگی نێوخۆیی لە وڵاتەکە دروست بێت.