‎یەکەم ڕۆژی پێشانگەی نێودەوڵەتی هەولێر بۆ کتێب بەڕێوەچوو

ئاڤا نیوز

‎ئەمڕۆ 17ی نیسان یەکەم ڕۆژی پێشانگای نێودەوڵەتی بۆ کتێب لە هەولێر بەڕێوەچوو، لە 20 وڵاتەوە ناوەندی چاپ و بڵاوکردنەوە بەشدارییان تێدا کردووە.

‎لێدوانی فەرمی: نەوزاد سابیر، کارگێڕی پێشانگەی نێودەوڵەتی کتێب لە هەولێر بە ئاڤانیوزی گوت : سەردانیکەرانی پێشانگەی کتێب لە یەکەم ڕۆژی پێشەنگاکەوە بە بەراورد بە ساڵانی پێشوو زیاترە و بەشداری دەزگا کوردییەکانیش زیاترە. 

‎ئەوەی پێویستە بیزانیت: ئەمساڵ لە پیشانگەی نێودەوڵەتی کتێب لە هەولێر ئەو کتێبانەی دەفرۆشرێن هەمەجۆرن، جیاوازی پێشانگەی ئەمساڵ  دەزگاو ناوەندە کوردییەکان زیاترە لە ساڵانی پێشوو، جگە گەوەی لە یەکەم ڕۆژی پێشانگەی نێودەوڵەتیی هەولێر، کتێبەکانی (ڕۆمان ـ زانستی ـ مێژووی ) زۆرترین فرۆشیان هەبووە.

‎زانیاریی زیاتر: ‎پێشانگەی نێودەوڵەتی کتێب لە هەولێر ماوەی 11 ڕۆژ دەخایەنێت، جگە لەو دەزگایانەی کە دەزگای چاپ و بڵاوکردنەوەن، ئەو شوێنانەشی کە تەنیا کتێب دەفرۆشن و دەزگای بڵاوکردنەوە نین شوێنیان بۆ دیاری کراوە، ئەمساڵ 300 ناوەندی چاپ و بڵاوكردنەوە لە 20 وڵاتەوە بەشدارییان كردووە.