300 دەزگای چاپ و بڵاوکردنەوە لە پێشانگەی کتێب لە هەولێر بەشدارن

ئاڤا نیوز

سەرۆک بارزانی شانزەهەمین پێشانگەی نێودەوڵەتیی هەولێر بۆ کتێبی کردەوە کە لەلایەن دەزگای مەدا  بۆ ڕاگەیاندن و ڕۆشنبیری و هونەر بە هەماهەنگی وەزارەتی ڕۆشنبیریی هەرێمی کوردستان ڕێکخراوە.

ئەوەی پێویستە بیزانیت:  300 دەزگای چاپ و بڵاوکردنەوە لە 20 وڵاتەوە لە پێشانگەکەدا بەشدارن، یەک ملیۆن و 500 هەزار ناونیشانی کتێب بە زمانەکانی کوردی، عەرەبی، تورکی، فارسی و ئینگلیزی بەردەستن.

زانیاریی زیاتر: دەزگاکانی بەشداربوو داشکانی 25٪ بۆ 50٪ یان لە نرخی کتێبەکان کردووە. لە چوارچێوەی پێشانگەکەدا 90 چالاکی هونەری و ڕۆشنبیری و کولتووری بە بەشداریی 150 هونەرمەند و ڕۆشنبیر و قسەکەر دەکرێن.

ئەمەش بزانە: پێشانگەکە 10 ڕۆژ بەردەوام دەبێت و لە کاتژمێر 10:00ی بەیانی بۆ 08:00ی شەو کراوە دەبێت.