لە سلێمانی فێستیڤاڵی فیلمی مۆبایل ساز دەکرێت

ئاڤا نیوز

بڕیارە لە داهاتوویەکی نزیکدا لە شاری سلێمانی فێستیڤاڵێکی جیاوازی فیلم سازبکرێت.

لێدوانی فەرمی: کامەران نووری، بەڕێوەبەری هونەری سلێمانی بە ئاڤا نیوزی گوت: لە داهاتوویەکی نزیکدا فێستیڤاڵی فیلمی کوردی مۆبایل لە شاری سلێمانی ساز دەکرێت.

ئەوەی پێویستە بیزانیت: مەرجی وەرگرتنی فیلمەکان ئەوەیە بە مۆبایل کاری وێنەگرتنی بۆ کرابێت و کورتەفیلمیش بێت، هاوکات تاوەکو ئێستا دەست بە وەرگرتنی فیلمەکان نەکراوە. 

باکگراوند: ساڵانە فێستیڤاڵی فیلمی نێودەوڵەتی لە بەشێک لە پارێزگاکانی هەرێمی کوردستان ساز دەکرێت، بەڵام فێستیڤاڵی  فیلمی نێودەوڵەتی ساڵی ڕابردوو لە  سلێمانی بەهۆی نەبوونی بودجەوە نەکرا.