‎ڕێوڕەسمی هەزار دەف لە پاڵنگان بەڕێوە دەچێت

ئاڤا نیوز

‎ڕۆژی 19ی نیسان و بۆ دووهەمین جار، فێستیڤاڵی هەزار دەف لە گوندی پاڵنگانی ڕۆژهەڵاتی كوردستان بەڕێوە دەچێت کە تیایدا هەزار دەفژەن بەشداری دەکەن.

‎ئەوەی پێویستە بیزانیت: تا ئێستا هەزار کەس ناوی خۆی بۆ بەشداریکردن لەم فیستیڤاڵە تۆمار کردووە و ئەوەی زانراوە ڕێژەی خانمان لە پیاوان زۆر زیاترە.

‎لە لایەکی دیکەوە: بۆ یەکەم جار، ئاڤا میدیا لە پاڵنگان ئامادەکاریی بەرهەمهێنانی دوو کلیپێک دەکات کە یەکەمیان تایبەتە بە خودی فێستیڤاڵی هەزاردەف و دووەمیشیان کلیپی هونەرمەند ڕەهبەر کوردستانییە کە هەر لە چوارچێوەی فێستیڤاڵەکە بەڕێوە دەچێت.

  
‎زانیاریی زیاتر: دووهەمین خولی فێستیڤاڵی میوزیكی که‌ونارا و دێرینی کوردستان، بە پێشکەشکردنی به‌رنامه‌ی گرووپەکانی ده‌فژەنین له‌ شارە جۆراوجۆره‌کانی ئێران، بە پاڵپشتیی لێژنه‌ی به‌ڕێوه‌بردنی رێوڕه‌سمی هەزار ده‌فی پاڵنگانی شاری کامیاران لە پارێزگای سنە لە ڕۆژهەڵاتی كوردستان بەڕێوە دەچێت.