بەرکەوتنی زۆری تیشکی خۆر دەبێتە هۆی تووشبوون بە شێرپەنجە

ئاڤا نیوز  

شێرپەنجەی پێست یەکێکە لەو نەخۆشییە کوشندانەی تووشی مرۆڤ دەبن لە سەرتاسەری جیهاندا، لە دەستەواژەی پزیشکی پێی دەگوترێت "میلانۆما" کە لە وەرزی هاوین مەترسییەکانی زیاتر دەبن.

بڵاوکراوەی فەرمی: ڕۆژنامەمی "نیویۆرک تایمز" راپۆرتێکی بڵاوکردووەتەوە و تێیدا هاتووە:"باشترین ڕێگە بۆ کەمکردنەوەی مەترسی شێرپەنجەی پێست، دوورکەوتنەوەیە لە بەرکەوتنی ناپێویست بە تیشکی سەروو بنەوشەیی". 

زانیاریی زیاتر: لەنێوان کاتژمێر 10ی بەیانی تا چواری پاشنیوەڕۆ تیشکی سەروو بنەوشەیی لە بەهێزترین ئاستیدایە، بۆیە باشتر وایە لەو کاتژمێرانەدا لە ماڵەوە دوور نەکەویتەوە، پزیشکانیش پێشنیازی ئەوە دەکەن کە جل و بەرگی خۆپارێزی و چاویلکە بەکاربهێنن، هەروەها بە بەردەوامی دژە خۆر بەکاربهێنن.

ئەوەی پێویستە بیزانیت: لە ئەمریکا ساڵانە 100 هەزار کەس تووشی شێرپەنجەی پێست "میلانۆما" دەبن، هەشت هەزار کەسیش بەهۆیەوە گیان لە دەست دەدەن.