تیکتۆک لە ئەمریکا قەدەغە دەکرێت

ئاڤا نیوز

 

ئەنجوومەنی نوێنەرانی ئەمریکا بە زۆرینەی دەنگ تۆڕی کۆمەڵایەتی تیکتۆکی قەدەغەکرد، کۆمپانیاکەش دەڵێت، بڕیارەکە پێشێلکردنی مافی ڕادەربرینە لە وڵاتەکە.

 

بۆچی گرنگە: ماوەیەکی زۆرە بەرپرسانی ئەمریکا دەیانەوێت تیکتۆک لە وڵاتەکە قەدەغە بکەن، بەهۆی ئەوەی پێیانوایە کە سیخوڕی بەسەر هاووڵاتییان دەکات و چین وەک سەکۆیەک بۆ دەستێوەردان لە هەڵبژاردنەکانی سەرۆکایەتی بەکاریدەهێنێت.

 

ئەوەی پێویستە بیزانیت: لە کۆی 418 ئەندامی ئەنجوومەنی نوێنەرانی ئەمریکا، 360 ئەندام دەنگی بە قەدەغەکردنی تیکتۆکدا.

 

بۆچوونی لایەنی بەرامبەر: شو زی چیو، گوتەبێژی تیکتۆک ڕایگەیاند، ''قەدەغەکردنی تیکتۆک پێشێلکردنی مافی ڕادەربڕینە لە ئەمریکا، تەنانەت بۆ ئابووری وڵاتەکەش خراپە چونکە ساڵانە هاووڵاتییانی ئەمریکی لە ڕێگەی تیکتۆکەوە 24 ملیار دۆلاریان دەستدەکەوێت."

 

ئەوەی ئێستا ڕوودەدات: پڕۆژەیاساکە ڕەوانەی ئەنجوومەنی پیران دەکرێت تا دەنگی لەسەر بدرێت و دواتر دەنێردێت بۆ سەرۆکی ئەمریکا بۆ ئەوەی واژۆی لەسەر بکات. بەپێی پڕۆژەیاساکە، دەبێت لەماوەی سالێکدا تیکتۆک بفرۆشرێت ئەگەرنا قەدەغە دەکرێت.

 

باکگراوند: لە جیهاندا 1.7 ملیار بەکارهێنەری تیکتۆک هەیە و لە ئەمریکاش 148.92 ملیۆن بەکارهێنەری هەیە.