گرووپە چەکدارەکانی عێراق لەدوای کۆبوونەوە لەگەڵ سوودانی هەڵوێستیان لەبارەی ئەمریکا ڕادەگەیێنن

ئاڤا نیوز

گرووپە چەکدارەکانی سەر بە ئێران لە عێراق لە قۆناغی "بێدەنگیی میدیایی"دان تا کۆبوونەوە لەگەڵ محەممەد شیاع سوودانی، سەرۆکوەزیرانی عێراق دەکەن لەبارەی دەرەنجامی سەردانەکەی بۆ واشنتن.

 

ئەوەی پێویستە بیزانیت: گرووپە چەکدارەکان رێنمایی گوتەبێژ و سەرکردەکانیان کردووە کە هیچ لێدوانێک نەدەن تا دوای کۆبوونەوەی سەرکردایەتی لەگەڵ سەرۆکوەزیرانی عێراق لەبارەی کشانەوەی هێزەکانی ئەمریکا.

ئەوەی لەبارەیەوە دەگوترێت: میدیاکانی عێراق دەڵێن، دوای کۆبوونەوەکە، گرووپە چەکدارەکان هەڵوێستیان لەبارەی دەستپێکردن یاخود وەستاندنی ئۆپەراسیۆنەکانیان بۆ سەر هێزەکانی ئەمریکا دەبێت.

 

ئەمەش بزانە: شەوی ڕابردوو هێرشکرایە سەر سەربازگەی کالسۆ کە هێزەکانی حەشدی شەعبی تێیدا جێگیرن لە پارێزگای بابل، قوربانیەک و نۆ برینداری حەشدی شەعبی و سوپای عێراقی لێکەوتەوە.