واتسئەپ لە چین قەدەغە دەکرێت

ئاڤا نیوز

 

حکومەتی چین بڕیاریداوە، پلاتفۆرمی واتسئەپ بەهۆی مەترسی لەسەر ئاسایشی دەوڵەت قەدەغە بکرێت.

 

چیرۆکی سەرەکی: شەوی شەممە ئەنجوومەنی نوێنەرانی ئەمریکا، بڕیاری قەدەغەکردنی تیکتۆکی پەسەند کرد، کە بەرنامەیەکی چینییە، ئەمڕۆش حکومەتی چین داوای لە کۆمپانیای ئەپڵ کرد پلاتفۆرمەکانی واتسئەپ و سرێد لە چین بسرێتەوە.

 

لێدوانی فەرمی: گوتەبێژی کۆمپانیای ئەپڵ ڕایگەیاند: "ئێمە پابەندین بە فەرمان و یاساکانی ئەو وڵاتانەی کاریان تێدا دەکەین، دەتوانین بڵێین ساڵی 2024 دوایین ساڵی واتسئەپ بوو لە چین".

 

زانیاریی زیاتر: کۆمپانیای ئەپڵ لە ساڵی 2024دا لە چین گورزێکی بەهێزی بەرکەوتووە و سەدا 10ـی فرۆشتنەکانیان لەو وڵاتە کەمی کردووە، ئەوەش بەهۆی ئەوەی هاووڵاتیان زیاتر مۆبایلە نێوخۆیەکانی وەکو ئۆپۆ و هواوی دەکڕن.