کەبابچییەک هاوڕێیەتیی شاندەکەی سەرۆکی ئەڵمانیا بۆ تورکیا دەکات

ئاڤا نیوز

 

سەرۆکی ئەڵمانیا کەبابچییەکی دۆنەری شاری بەرلین لەگەڵ خۆیدا دەبات بۆ تورکیا، تاوەکو نیشانی هاوتا تورکییەکەی بدات کە کۆچبەرانی تورکیا چ کاریگەرییەکیان لەسەر کولتووری ئەڵمانیا هەبووە.

 

چیرۆکی سەرەکی: ڕۆژی دووشەممە، فڕانک واڵتەر شتاینمەر، سەرۆکی ئەڵمانیا، بە سەردانێکی سێ ڕۆژە دەگاتە تورکیا.

 

وێنە گەورەکە: یەکەم وێستگەی سەردانەکەی سەرۆکی ئەڵمانیا ئیستەنبووڵ دەبێت؛ دواتر سەردانی ڕزگاربووانی بوومەلەرزەکەی غازی عەنتاب دەکات و ڕۆژی سێیەم لە ئەنقەرە لەگەڵ ڕەجەب تەیب ئەردوغان، سەرۆککۆماری تورکیا کۆدەبێتەوە. 

 

زانیاریی زیاتر: سەرچاوە ئەڵمانییەکان سەردانی سەرۆکی ئەو وڵاتە بە سیمبوولێک و لەپێناو باشترکردنی پەیوەندییەکانی نێوان هەردوو وڵات ناو دەبەن.