دیندار زێباری: لەم کابینەیەدا جێبەجێکردنی ڕاسپاردە نێودەڵەتییەکان 70% زیادیکردووە

ئاڤا نیوز

ڕێکخەری ڕاسپاردە نێودەڵەتییەکان لە حکومەتی هەرێمی کوردستان، ڕایگەیاند جێبەجێکردنی ڕاسپاردە نێودەڵەتییەکان لە لایەن ئەم کابینەیەی حکومەتدا زیادیکردووە.

ڕاگەیێنراوی فەرمی: "حکومەتی هەرێمی کوردستان ئەرکی خۆی بۆ خولقاندنی ژینگەیەکی لەبار و داکۆکیکار بۆ کاری ڕۆژنامەنووسی جێبەجێدەکات" دیندار زێباری،ڕێکخەری ڕاسپاردە نێودەڵەتییەکان لە حکومەتی هەرێمی کوردستان وای گوت.

ئەوەی پێویستە بیزانیت: پلانی حکومەتی هەرێمی کوردستان بۆ مافەکانی مرۆڤ لە کابینەی نۆیەمدا 11 ڕاسپاردەی تایبەت بە کاری ڕۆژنامەنووسی بوو، کەوتنە بواری جێبەجێکردنەوە کە لە لایەن ئەنجوومەنی مافەکانی مرۆڤ سەر بە نەتەوە یەکگرتووەکان ئاراستەی دامودەزگا پەیوەندیدارەکان کرابوون. 

ژمارەکان وا دەڵێن: لە ساڵی 2022 تەنیا یەک ڕاسپاردە جێبەجێکراوە و پێنجی جێبەجێنەکران، پێنجی دیکە لە قۆناغی جێبەجێکردندا بوون، بەڵام لە ساڵی 2023، حەوت ڕاسپاردە جێبەجێکران و تەنیا یەک ڕاسپاردە جێبەجێنەکران، سێی دیکە لە قۆناغی جێبەجێکردندا بوون.

باکگراوند: لە ساڵانی ڕابردوودا زیاتر لە دوو هەزار میدیای دیجیتاڵی و ڕۆژنامەوانیی، لەلایەن حکومەتی هەرێمی کوردستانەوە مۆڵەتیان پێدراوە.