یەکەم عودژەنی هەولێر جێی هێشتین

ئاڤا نیوز

 

جەمال هیدایەت هونەرمەندی ناوداری شاری هەولێر، ڕۆژی سێشەممە 23-04-2024 بە نەخۆشی کۆچی دوایی کرد.

 

ئەوەی پێویستە بیزانیت: هونەرمەند جەمال هیدایەت یەکەم کەس بوو لە شاری هەولێر کە لە ساڵی پەنجاکان لە پەیمانگای هونەرە جوانەکان ئامێری عودی خوێند و دوای تەواوبوونی، لە بەغدا دەگەڕێتەوە بۆ شاری هەولێر و دەبێتە مامۆستای وانەی موزیک و لەژێر دەستیدا دەیان فێرخواز پەروەردە بوون.

 

زانیاریی زیاتر: لە ساڵی 1957 و بە هاوکاریی هاوڕێ هونەرمەندەکانی، "تیپی موزیکی دەرسیم"ـیان دامەزراند کە بووە بناغەیەک بۆ گەشەسەندنی هونەری کوردی لە هەولێر، هەروەها لە ساڵەکانی 1973 بۆ 1991 بەڕێوەبەری چالاکیی قوتابخانەکانی هەولێر بووە و بەشداریی چەندین فیستیڤاڵی هونەری کردووە.