بەرگريی شارستانی هەولێر هۆكاری دوو ڕووداوی ئاگركەوتنەوە ئاشكرادەكات

ئاڤا نیوز

 

بەرگریی شارستانی هەولێر هۆکاری دوو ڕووداوی ئاگرکەوتنەوە لە بازاڕی شێخەڵڵا ئاشکرا دەکات، ئاماژە بەوە دەدات  جگە لە زیانی ماددی هیچ زیانێکی گیانی لێ نەکەوتەوە.

چیرۆکی سەرەکی: شەوی ڕابردوو دوو ئاگر لە بازاڕی "شێخەڵڵا" کەوتنەوە، دوای چەند کاتژمێرێک توانرا ئاگرەکە کۆنترۆڵ بکرێت.

ڕاگەیێنراوی فەرمی: دوای کۆنترۆڵکردنی ئاگرەکە، لێژنەیەکی تایبەتمەند پێکھات بەمەبەستی لێکۆڵینەوە لە هۆکاری ئاگرەکە. دەرکەوت ڕووداوی یەکەم بەھۆی ماتۆڕی موبەریدەیەک بووە لە سەربانی دوکانەکە و ڕووداوی دووەم بەھۆی شۆرتی کارەباوە بووە بە پێی گرتەی ڤیدیۆی کامێرای چاودێری شوێنەکە" . بەرگریی شارستانی هەولێر وا دەڵێت.