حەماس دامەزراندنی دەوڵەتی فەڵەستین دەكاتە مەرجی ئاگربەست

ئاڤا نیوز  

 

بزووتنەوەی حەماس ڕایگەیاند، تەنیا رێگە بۆ ئەوەی چەک دابنێن، دامەزراندنی دەوڵەتی سەربەخۆی فەڵەستینە. 

وێنە گەورەکە: حەماس ئامادەیی خۆی بۆ دانانی چەک و ڕاگرتنی جەنگ ڕاگرت، ئەوەش بە مەرجێک ئەگەر چارەسەری دوو دەوڵەتی لە ناوچەکە بێتە کایەوە و سنووری پێش ساڵی 1967 هەردوو وڵاتی ئیسرائیل و فەڵەستین جیا بکاتەوە. 

لێدوانە فەرمییەکان: خەلیل ئەلحەیە، یەکێک لە بەرپرسانی بزووتنەوەی حەماس ڕایگەیاند:"دەوڵەتێکی سەربەخۆی فەڵەستین، تەنیا ڕێگە چارەیە بۆ ئەوەی چەکەکانمان دابنێین و جەنگ ڕابگرین، داواش دەکەین لەگەڵ دامەزراندنی دەوڵەتەکە، سەرجەم پەنابەرانی فەڵەستینی بگەڕێننەوە بۆ وڵات''.

لە لایەکی دیکەوە: خالید مەشعەل، بەرپرسی باڵای حەماس پێشتر ڕایگەیاندبوو: بزووتنەوەی حەماس متمانەی بە بەڵێنەکانی ئیسرائیل نییە، ئەوەش وایکرد چارەسەری دوو دەوڵەتی لەو کاتەدا ڕەتبکەنەوە.