ئەمریکا دەرچەیەکی دەریایی بۆ هاوکاری کردنی غەززە درووست دەکات

ئاڤا نیوز  

وەزارەتی بەرگری ئەمریکا ڕایگەیاند، کەشتییە سەربازییەکانی ئەمریکا سەرقاڵی درووستکردنی دەرچەیەکی دەریایین بۆ ئەوەی هاوکارییەکان بگەیەنن بە خەڵکی غەززە. 

وێنە گەورەکە: بەهۆی بەردەوامی شەڕ و ئاڵۆزییەکانی ئیسرائیل و حەماس، هاوکارییە مرۆییەکان بە ئاسانی ناگەنە دەستی هاوڵاتییانی غەززە، ئەوەش وایکردووە ئەمریکا دەرچەیەکی دەریایی لە دەریای ناوەڕاستەوە درووست بکات، بۆ ئەوەی هاوکارییەکان بە ئاسانی بگەنە دەستی هاوڵاتیانی غەززە.

زانیاریی زیاتر: لە ئێستاوە دەستکراوە بە درووستکردنی دەرچە دەریاییەکە و قۆناغەکانی سەرەتای تەواو بووە، ماوەی سێ بۆ پێنج هەفتەی پێدەچێت تاوەکو بە تەواوی درووست دەکرێت.

راگەیێنراوی فەرمی: وەزارەتی بەرگریی ئەمریکا ڕایگەیاند: ئەمریکا بەرپرسیار دەبێت لە درووستکردنی دەرچەیەکی دەریایی بۆ گەیاندنی هاوکارییەکان، بەڵام ئیسرائیل چاودێر دەبێت لەسەر پرۆسەی درووستکردنەکە.