ئیسرائیل فڕۆكەخانەیەكی سەربازی حزبوڵڵا و ئێران لە لوبنان دەكاتە ئامانج

ئاڤا دیجیتاڵ

شەوی پێنجشەممە 26-1-2024 هێزی ئاسمانیی ئیسرائیل فرۆكەخانەیەكی لە لوبنان بۆردوومان كرد كە حزبولڵای لوبنان بەكاریدەهێنا بۆ هێرشی ئاسمانی درۆن و مووشەكەكانی بۆ سەر ئیسرائیل، ئەمەش ڕۆژنامەیەكی ئیسرائیلی ئاشكرایكردووە.

چیرۆكی سەرەكی: لەمانگی سێپتێمبەری ڕابردوودا، یوواف گالانت، وەزیری بەرگری ئیسرائیل وێنەی بنكەیەكی ئاسمانی هاوبەشی حزبولڵا و ئێرانی بڵاوكردەوە كە دەكەوێتە باشووری لوبنان، ئەو بنكەیە تەنها 20 كیلۆمەتر لە سنووری ئیسرائیلەوە دوورە.

زانیاری زیاتر: بەگوێرەی میدیای ئیسرائیل، ئەو بنكەیە لەلایەن حزبولڵای لوبنان بۆ هێرشی درۆنی و مووشەكی بەكارهێنراوە و چەندین پلانی هێرشی دژ بە ئیسرائیلی تێدا داڕێژراوە.

شەوی پێنجشەممە 25-1-2024 سووپای ئیسرائیل بە ئامانجگرتنی بنكەیەكی سەربازی ئاسمانیی حزبوڵڵای لە لوبنان بڵاوكردەوە و بنكەكەی بە "گرنگ" ناوبرد.

باكگراوند: لەوكاتەوەی لە حەوتی ئۆكتۆبەری ساڵی ڕابردوو حەماس هێرشی بۆ سەر ئیسرائیل ئەنجامدا و پاشان ئیسرائیل هێرشی بۆ سەر كەرتی غەززە لە فەڵەستین دەستپێكرد، ڕۆژانە لەسەر سنووری لوبنان و ئیسرائیل ئاڵۆزی لەنێوان حزبوڵڵا و سووپای ئیسرائیل ڕوودەدات، ناوبەناو حزبوڵڵا بە مووشەك و درۆن هێرش دەكاتە سەر ئیسرائیل و سووپای ئیسرائیلیش بە بۆردوومان وەڵام دەداتەوە.