ژاوەژاو و دەنگی بەرز ڕێگرە لە گەشەی باڵندە

ئاڤا نیوز

پسپۆڕێكی باڵندەناسی بەریتانیی لە نوێترین توێژینەوە ئاشکرایکردووە، پیسبوونی ژینگەی بیستن کاریگەریی ڕاستەوخۆی لەسەر باڵندەکان هەیە و گەشەیان دەوەستێنێت.

چیرۆکی سەرەکی: لە نوێترین توێژینەوە کە لە زانکۆی دیکین لە ئوسترالیا كراوە، زاناکان تووشی شۆکبوون لەوەی دەنگەدەنگ و ژاوەژاو چەند کاریگەری لەسەر باڵندە هەیە؛ بەشێوەیەک گەشەی ئەو باڵندانە زۆر زیاترە کە لە کەشێکی ئارامدا هێلکەکانیان ترووکاوە بەراورد بەو باڵندانەی لە ژاوەژاو دا بوون.

لێدوانی فەرمی: دکتۆر مایلین ماریێت، پسپۆڕی باڵندەناسیی بەریتانیی لە زانکۆی دیکین لە ئوسترالیا دەڵێت: "دەنگ کاریگەرییەکی بەهێز و ڕاستەوخۆی لەسەر گەشەکردنی باڵندە هەیە، بەشێوەیەک گەشەیان دەوەستێنێت".

کاریگەریی و لێکەوتەکان: توێژەران بۆیان دەرکەوتووە، ئەو باڵندانەی کە هێشتا هێلکەکەیان نەتروکاون و دووچاری ژاوەژاو دەبنەوە کە لە ئەنجامی هاتووچۆی شارەکانەوە دروستدەبێت، کاریگەری نەرێنی درێژخایەنییان لەسەر تەندروستی و گەشەکردنیان دەبێت.