پاپا بەشداری لوتکەی گرووپی حەوت دەکات كە تایبەتە بە ژیریی دەستكرد

ئاڤا نیوز  

 

پاپا فرانسیس ـ پاپای ڤاتیکان، بەشداریی کۆبوونەوەی ئەمساڵی گرووپی حەوت دەکات، کە بڕیارە مانگی حوزەیران ئەنجام بدرێت و تایبەتە بەو ئاڵنگاریانەی ژیریی دەستكرد بۆ مرۆڤایەتی درووست كردوون.

 

وێنە گەورەکە: جۆرجیا مالۆنی، سەرۆکوەزیرانی ئیتاڵیا ڕایگەیاند: پاپای ڤاتیکان بەشداری کۆبوونەوەی ئەمساڵی گرووپی حەوت دەبێت، کە تیایدا تاوتوێی ئەو ئاڵانگاریانە دەکرێت ژیریی دەستکرد بۆ مرۆڤایەتی درووستی کردوون. 

 

لێدوانە فەرمییەکان: جۆرجیا مالۆنی گوتی: ئەمە یەکەمجارە لە مێژوودا پاپایەک بەشداریی کۆبوونەوەی گرووپی حەوت بکات، بە دڵنیاییەوە کۆبوونەوەیەکی مێژوویی دەبێت.

 

زانیاریی زیاتر: وڵاتانی ئەمریکا، بەریتانیا، کەنەدا، فەڕەنسا، ئیتاڵیا، ئەڵمانیا و ژاپۆن بەشدار دەبن و کۆبوونەوەکە لە شاری پولیای باشووری ئیتاڵیا بەرێوە دەچێت.