سەردانەکەی ئەردۆغان بۆ ئەمریکا دواخرا

ئاڤا نیوز 

 

سەردانەکەی ڕەجەب تەیب ئەردۆغان سەرۆککۆماری تورکیا، كە بڕیار بوو نۆی مانگی ئایندە بگاتە ئەمریکا، بۆ کاتێکی نادیار دواخرا.

 

وێنە گەورەکە: بڕیار وابوو 9-5-2024 ڕەجەب تەیب ئەردۆغان، سەرۆککۆماری تورکیا سەردانی کۆشکی سپیی ئەمریکا بکات و لەگەڵ جۆ بایدن سەرۆكکۆماری ئەمریكا کۆببێتەوە.

 

ئەوەی پێویستە بیزانیت: بە گوتەی میدیای فەرمیی توركیا، لەسەر داوای تورکیا سەردانەکەی ئەردۆغان بۆ ئەمریكا دواخراوە.

 

گۆشەیەكی دیكە: کۆبوونەوەکە "بەهۆی گۆڕانکاری لە خشتەی کارەکانی ئەردۆغان دواخراوە و بەم نزیکانە وادەی نوێ دیاری دەکرێت"، بەرپرسێک بۆ ئاژانسی بلوومبێرگ وای گوتووە.

 

بۆچوونی لایەنی بەرامبەر: جۆن کێربی، گوتەبێژی کۆشکی سپی ئەمریكا ڕایگەیاند:"هیچ شتێک لە بەرنامەدا نییە سەبارەت بە سەردانەکەی ئەردۆغان".