سێ وەزیری پێشووی عێراق بەهۆی گەندەڵییەوە فەرمانی دەستگیرکردنیان بۆ دەردەچێت

ئاڤا نیوز

 

دەستەی دەستپاکیی عێراق ڕایدەگەیێنێت، تەنیا لە مانگی سێی ئەمساڵدا زیاتر لە 90 تۆمەتبار لەسەر گەندەڵی دەستگیر کراون و فەرمانی دەستگیرکردنیش بۆ سێ وەزیری پێشوو دەرکراوە.

 

ڕاگەیێنراوی فەرمی: دەستەی دەستپاکیی عێراق لە ڕاگەیێنراوێکدا ئاماری چالاکییەکانیان لە ماوەی مانگی سێی 2024 ئاشکرا دەکات و ئاماژە بەوە دەدات، تەنیا لەو مانگەدا، "فەرمانی دەستگیرکردن بۆ 37 کەسی پلە باڵا دەرکراوە، لەنێویاندا سێ وەزیری پێشوو هەن".

 

ژمارەکان وادەڵێن: 55 فەرمانی دەستگیرکردن و ڕاپێچکردنیان بۆ دادگا دژی ئەوانەی بڕوانامەی باڵایان هەیە، 37 تۆمەتبار لەکاتی تاوان دەستگیرکراون و 119 کەسیش بە بڕیاری دادوەر سزا دراون".

 

ئەمەش بزانە: فەرمانی دەستگیرکردن بۆ سێ وەزیری پێشوو، یەک بریکاری وەزیر، 13 بەڕێوەبەری گشتی، 10 بەڕێوەبەری گشتی پێشوو، چوار بەڕێوەبەری گشتی پێشووتر، سێ پارێزگاری پێشوو، دوو پارێزگاری پێشووتر و ئەندامێکی پێشووی ئەنجوومەنی پارێزگا.