وەزیری تەندرووستی: ڕەوشی دەرمان لە ساڵانی پێشوو زۆر باشترە

ئاڤا نیوز

وەزیری تەندروستی حكومەتی هەرێمی كوردستان ڕایگەیاند، ڕەوشی دەرمان لە كابینەی نۆیەمدا لە ساڵانی پێشوو زۆر باشتر بووە و نەخۆشخانە حكومییەكان زۆر باشترن لە نەخۆشخانە ئەهلییەكان.

لێدوانی فەرمی: د. سامان بەرزنجی، وەزیری تەندرووستی حكومەتی هەرێمی كوردستان ڕایگەیاند: لە ساڵی 2022 بە بەهای نزیكەی 141 ملیار دینار دەرمان بۆ هەرێمی كوردستان هاتووە و  ساڵی 2023 ، 194 ملیار دینار دەرمان لە بەغداوە هاتووە، ئێستا ڕەوشی دەرمان زۆر باشترە لە ساڵانی پێشوو.

زانیاریی زیاتر: لە كابینەی نۆیەمی حكومەتی هەرێمی كوردستاندا سێكتەری تەندروستی زۆر باشتربووە و كار لەسەر باشتركردنی نەخۆشخانە حكومی و ئەهلییەكان دەكرێت، بۆ ئەوەی چارەسەری كێشەكان بكرێت.

بۆچی گرنگە: بەردەستبوونی دەرمان لە نەخۆشخانە حكومییەكان، وادەكات هاووڵاتییان پێویستیان بە نەخۆشخانەی ئەهلی نەبێت بەتایبەت ئەو كەسانەی كەمدەرامەتن.