وەزارەتی كارەبا: لە نزیكترین كاتدا كارەبا ئاسایی دەبێتەوە

ئاڤا نیوز

وەزارەتی کارەبا ڕایگەیاند، لەنزیکترین کاتتدا بەرهەمهێنانی کارەبا دەستپێدەکاتەوە و دۆخی کارەبا ئاسایی دەبێتەوە.

وێنە گەورەکە: ئەمڕۆ سەرچاوەیەکی باڵا لە کۆمپانیای دانەغاز بە ئاڤا نیوزی گوت "سبەی بەرهەمهێنانی گاز لە کێڵگەی کۆرمۆر دەستپێدەکاتەوە". وەزارەتی کارەباش دەڵێت "لە ماوەیەکی نزیکدا یەکە غازییەکانی بەرهەمهێنانی کارەبا دەستپێدەکەنەوە و کارەبا بەرهەم دەهێنن".

لێدوانی فەرمی: ئومێد ئەحمەد، گوتەبێژی وەزارەتی کارەبای هەرێمی کوردستان، بە ئاڤا نیوزی گوت: بارودۆخی کارەبا ئاسایی دەبێتەوە دوای ئەوەی وێستگە غازیەکان دەستیانکردەوە بە وەبەرهێنانی کارەبا، چاوەڕێی غازین و هەر پێمان گەیشت دەستپێدەکەینەوە.

ئەوەی پێویستە بیزانیت: ڕۆژانە وەزارەتی کارەبا پێویستی بە 515 ملیۆن پێ سێجا غاز هەیە، بۆ ئەوەی بتوانێت زیاتر لە دوو هەزار مێگاوات کارەبا بەرهەمبهێنێت.

باکگراوند: کاتژمێر 06:45 خولەکی ئێوارەی هەینی 26-04-2024، یەکێک لە کۆگەکانی هەڵگرتنی غازی شل لە کێلگەی کۆرمۆر بە درۆن کرایە ئامانج و بە هۆیەوە چوار کارمەند گیانیان لەدەست دا، هەشتی دیکەش بریندار بوون.