وەزارەتی گواستنەوە و گەیاندن هۆشداری دەداتە هاووڵاتییان

ئاڤا نیوز

وەزارەت گواستنەوە و گەیاندن، هۆشداری دەداتە هاووڵاتیان و دەڵێت "بارانێكی زۆر بەڕێوەیە و ئەگەر زۆر پێویست نەبێت ڕێگا گشتییەكان بەكارمەهێنن".

ڕاگەیێنراوی فەرمی: وەزارەت گواستنەوە گەیاندنی حكومەتی هەرێمی كوردستان ڕایگەیان: بە گوێرەی پیشبینییەكانی كەشناسی و بومەلەرزەزانیی هەرێمی كوردستان، ئەمشەو و ڕۆژانی چوارشەممە و پێنجشەممە و هەینی، لە تەواوی هەرێمی كوردستان بارانێكی زۆر دەبارێت.

لێدوانی فەرمی: دیلان ڕەشاد، گوتەبێژی وەزارەتی گواستنەوە و گەیاندن بە ئاڤا نیوزی گوت: "ئەم شەپۆلە چەند ڕۆژێک دەخایەنێت و داواش لە هاووڵاتیان دەكەین ڕێنماییەكان جێبەجێبكەن".

ئەوەی پێویستە بیزانیت: ڕێنماییەكانی وەزارەتی گواستنەوە و گەیاندن ئەمانەن

1- سویچی كارەبای ماڵ بكوژێننەوە.
2- لەو شوێنانە مەوەستن كە مەترسیی هەبوونی كارەبای لێ دەكرێت.
3- بڕۆنە بەرزترین شوێنی ماڵەكانتان.
4- شۆفێری مەكەن.
5- لە ناوچە نزمەكان دوور بكەونەوە.
6- زۆر پێویست نەبێ، ڕێگە گشتییەكان بەكار مەهێنن.
7- لەو ناوچانە دوور بن كە مەترسیی هەورەبروسكەیان تێدایە.