عەدنان کەریم: بەرهەمێکی نوێم ئامادەیە

 

ئاڤا نیۆز

 

لە پارێزگای دهۆک، بۆ یەکەمین جار فێستیڤاڵی سەما  بە کۆمەڵێک گۆڤەند و دیلانی جوان و جیاواز و ئامادەبوونی 16 گرووپ لە هەر چوار پارچەی کوردستان  و دەیان هونەرمەند بەڕێوە چوو.

 

لێدوانی تایبەت: هونەرمەند عەدنان کەریم داوای کرد کە چیتر گۆرانی و بەرهەمی هونەرمەندانی تورک, فارس و عەرەب  بڵاو نەکرێنەوە تاوەکو کولتووری کوردی بە بێگەردی بمێنێتەوە و تێک نەچێت.

 

ئەمەش بزانە: عەدنان کەریم کە لە چاوپێکەوتنی تایبەتی ئاڤا نیوز بەشدار بوو، سەرسامی خۆی بەرامبەر گۆڤەندی شار و پارچە جیاوازەکانی کوردستان نەشاردەوە و باسی لەوە کرد، "هێندە هەڵپەڕکێ و تابلۆ هونەرییەکانم پێ جوان بوو کە بە مۆبایلەکەم ڤیدیۆی بەشێک لە هەڵپەرکێی شارەکانی کوردستانم تۆمار کردووە بۆ کوڕەکەم تا نیشانی هاوسەرە سویدیەکەی بدات و کولتووری کوردستان ببینێت".

 

زانیاریی زیاتر: هونەرمەند عەدنان کەریم بە ڕستەیەک هونەری شی کردەوە و گوتی، "تەنیا هونەرە کە دەتوانێت برایەتی و خۆشەویستی دروست بکات". هەروەها لە ڕێگەی ئاڤاشەوە ڕایگەیاند، کە بەرهەمێکی نوێی ئامادەیە.