چوارچێوەی هەماهەنگی: بەربژێرەکەی حەلبووسی نەخوازراوبوو

ئاڤا نیوز

لە بەرامبەر هەڕەشەیەکی پارتی تەقەدووم بە کشانەوە لە کایەی سیاسی، چوارچێوەی هەماهەنگی وەڵامی حەلبووسی دەداتەوە، دەڵێت تەقەدووم بەرپرسیارە لە وەرنەگرتنی سەرۆکایەتیی پەرلەمان چونکە کەسێکی نەخوازراویان بەربژێر کردبوو.

وێنە گەورەکە: پارتی تەقەدووم، کە محەممەد حەلبووسی سەرۆکایەتیی دەکات هەڕەشەی کشانەوەی تەواوەتی لە پەرلەمان و حکومەت کرد، ئەگەر سەرۆکایەتی پەرلەمان بدرێتە پارتێکی دیکە.

لێدوانی فەرمی: "کەس ناتوانێت بەبێ لایەنەکانی شیعە بڕیاری کشانەوە بدات، پارتی تەقەدووم بەشێک نیيە لەو پێکهاتەیە بۆیە ناتوانێت لەخۆیەوە ئەو بڕیارە بدات". عەلی فەتلاوی سەرکردە لە چوارچێوەی هەماهەنگی وای گوت. 

ئەوەی پێویستە بیزانیت: لە 14-11-2023 لەسەر سکاڵایەکی پەرلەمانتارێکی حیزبەکەی، محەممەد حەلبووسی سەرۆکی پەرلەمانی عێراق لەلایەن دادگەی باڵای فیدراڵی دوورخرایەوە.