دارستانەکانی کۆڵۆمبیا دەسووتێن و حکومەت باری لەناکاوی ڕاگەیاندووە

ئاڤا دیجیتاڵ

 

لە مانگی نۆڤەمبەرەوە زیاتر لە 17 هەزار هێکتار زەویی لە دارستانەکانی کۆڵۆمبیا بەهۆی ئاگرەوە بوونەتە خۆڵەمێش و دارەکانیش سووتاون. 

 

چیرۆکە سەرەکییەکە: تەنیا مانگی ڕابردوو 340 جار ئاگر لە دارستانەکانی کۆڵۆمبیا کەوتووەتەوە، ئەمەش بە کارەساتێکی ژینگەیی مەترسیدار ناودەبرێت لە ناوچەکەدا.

 

لێدوانە فەرمییەکان: خاچی سووری کۆڵۆمبیا لە بۆگۆتا لە تۆڕی کۆمەڵایەتیی ئێکس نووسیویەتی: "هەندێک لەو دانیشتووانەی کە بەهۆی دووکەڵەکەوە دۆخی تەندروستییان تێکچووە، لە نەخۆشخانە چارەسەری  پێویستیان  بۆ دەکرێت".

هێشتا 26 دارستان دەسووتێن و ئاگرەکە کۆنترڵ نەکراوە؛ سوزانا محەممەد، وەزیری ژینگەی ئەمریکا لەبارەی ڕووداوەکەوە گوتی: "ڕووداوەکە بەهۆی وشکەساڵی درێژخایەن، گەرمی پێوانەیی و دیاردەی کەشوهەوای ئێل نینۆوە بووە". 

گوستاڤۆ پێترۆ، سەرۆکی کۆڵۆمبیا بە فەرمی دۆخی کارەساتی سرووشتی لە کۆڵۆمبیا راگەیاند و داوای هاوکاری نێودەوڵەتی کرد، بڕیاریشیدا بڕە پارەی پێویست بۆ کۆنترۆڵکردنی ئاگری دارستانەکان تەرخانبکرێت.

 

لەلایەکی دیکەوە: دەسەڵاتدارانی کۆڵۆمبیا لێکۆڵینەوە لە هۆکاری درووستبوون و تەشەنەکردنی ئاگری دارستانەکان دەکەن و "گومان دەکرێت بەشێک لە ئاگرکوژێنەوەکان دەستیان لە تەشەنەکردنی ئاگرەکان هەبێت، پۆلیسیش 26 کەسی بەو تۆمەتە دەستگیرکردووە".

باکگراوند: لە ڕۆژی دووشەممەوە کۆڵۆمبیا ڕووبەڕوی چەندین ڕووداوی ئاگرکەوتنەوە بووەتەوە. دەسەڵاتدارانی ئەو وڵاتە ئامۆژگاری دانیشتووانی نزیک ئاگرەکانیان کردووەتەوە بەهۆی خراپی کەشوهەواوە خۆیان بپارێزن و نەچنە دەرەوە.