وەزارەتی ناوخۆی عێراق دەست بەسەر 12 تۆن ماددەی هۆشبەر و کارتێکەرە عەقڵییەکاندا دەگیرێت

ئاڤا نیوز

وەزارەتی ناوخۆی عێراق ڕایدەگەیێنێت، لە سەرەتای ئەمساڵەوە تاوەکو ئێستا، دەستیان بەسەر 12 تۆن ماددەی هۆشبەر و کارتێکەرە دەروونییەکاندا گرتووە.

 

لێدوانی فەرمی: لیوا خالید موحەننا، بەڕێوەبەری گشتیی فەرمانگەی پەیوەندییەكان و ڕاگەیاندن لە وەزارەتی ناوخۆی عێراق ڕایگەیاند: "بەڕێوەبەرایەتیی نەهێشتنی ماددە هۆشبەرەكان لەڕێگەی هاوكاری نێودەوڵەتییەوە توانیویەتی لە سەرەتای ئەمساڵەوە دەست بەسەر زیاتر لە دوو تۆن ماددەی هۆشبەر و 10 تۆن ماددەی كارتێكەری دەروونیدا بگرن".

 

زانیاریی زیاتر: بە گوتەی بەرپرسەکەی وەزارەتی ناوخۆ، ڕێوشوێنی بەرفراوان لەلایەن وەزارەتەکەیانەوە گیراوەتەبەر بۆ دامەزراندنی سیستەمێكی نێودەوڵەتی بۆ ڕووبەڕووبوونەوەی هەڕەشەی ماددە هۆشبەرەكان كە لەڕێگەی یادداشتنامەی لێكتێگەیشتن واژۆ كراوە.