عێراق: پابەندین بە جێبەجێکردنی ڕێککەوتنی ئەمنی لەگەڵ ئێران

ئاڤا نیوز

 

ڕاوێژکاری ئاسایشی نیشتمانیی عێراق ڕایدەگەیێنێت، حكومەت پابەندە بە جێبەجێكردنی ڕێككەوتنی ئەمنی لەگەڵ ئێران لە چوارچێوەی ئەو کاتەی بۆی دیاریکراوە.

 

چیرۆکی سەرەکی: قاسم ئەعرەجی، ڕاوێژكاری ئاسایشی نیشتمانیی عێراق پێشوازی لە مەجید ئەمیر ئەحمەدی، بریكاری وەزیری ناوخۆی ئێران و شاندی یاوەری كرد؛ لە كۆبوونەوەكەدا تاوتوێی جێبەجێكردنی ئەو ڕێككەوتنە ئەمنییە كرا كە لە نێوان هەردوو وڵاتدا واژۆ كراوە.

 

ڕاگەیێنراوی فەرمی: نووسینگەی ڕاگەیاندنی ڕاوێژكاری ئاسایشی نیشتمانیی عێراق ڕایگەیاند: "حكومەتی عێراق پابەندە بە جێبەجێكردنی ڕێككەوتنی ئەمنی لە چوارچێوەی ئەو کاتەی دیاریکراوە".

 

لەلایەکی دیکەوە: بریکارەکەی وەزارەتی ناوخۆی ئێران سوپاس و پێزانینی خۆی بۆ حكومەتی عێراق و لیژنەی باڵای جێبەجێكردنی ڕێككەوتنی ئەمنی دەربڕی بۆ ئەو هەوڵانەی كە دراون و ئەو دەستكەوتانەی لەڕێگەی ڕێككەوتنەكەوە بەدەست هاتوون.