بەهۆی خراپی كەشوهەواوە بەشێک لە گەشتەكانی فڕۆكەخانەی دوبەی ڕاگیران

ئاڤا نیوز

 

شەپۆلێكی بارانی بەخوڕ و ڕەشەبا ڕووی لە وڵاتانی عەرەبی بەتایبەتی ئیمارات كردوە، بەهۆی خراپی كەشوهەواوە دەیان گەشت لە فڕۆكەخانەی دوبەی هەڵوەشێنرانەوە.

 

وێنە گەورەکە: ئەمە دووەمین جارە گەشتەكان لە دوبەی بەهۆی خراپی كەشوهەوا و بارانباریینەوە ڕادەگیرێت و بەرپرسانی دوبەیش داوا لە هاووڵاتیان دەكەن ئەگەر پێویست نەبێت لەماڵ نەیەنە دەرەوە و شوێنە گشتییەكان بەكارنەهێنن.

 

ڕاگەیێنراوی فەرمی: فڕۆكەخانەی دوبەی ڕایگەیاند: بەهۆی خراپی كەشوهەواوە دەیان گەشت دواخراون و دیار نییە كەی گەشتەكان دەستپێدەكەنەوە.

 

ئەوەی ئێستا ڕوودەدات: شەقامەكانی دووبەی پڕبوون لە ئاو فڕۆكەخانە و شوێنە گشتییەكان بەڕووی گەشتیاراندا داخراون و ئەمەش زیانێكی گەورەی بە خەڵكی ناوچەكە گەیاندووە.