لە ڕۆژهەڵاتی کوردستان سێ گەنجی کورد بەهۆی بەڕێوەبردنی ئاهەنگی نەورۆز دەستگیرکران

ئاڤا نیوز 

 

سێ گەنجی کوردی خەڵکی شنۆی ڕۆژهەڵاتی کوردستان بەهۆی بەشداری لە ڕێوڕەسمەکانی نەورۆز لەلایەن سوپای پاسدارانی ئێرانەوە دەستگیرکران.

 

ڕاگەیێنراوی فەرمی: ڕێکخراوی مافی مرۆڤی هەنگاو ئاشکرای کرد، سێ هاووڵاتی کورد بەناوەکانی محەممەد سوڵتانپوور خەڵکی گوندی "دێ شەمس"، غەفوور شێخ ئەحمەدی تەمەن 50 ساڵانە و خەڵکی گوندی "عالیاوێ" و جەعفەر ڕەسووڵی 36 ساڵ لە گوندی "بێمزورتێ" سەر بە شاری شنۆ لەلایەن سوپای پاسدارانەوە دەستگیر کران.

 

ئەوەی پێویستە بیزانیت: ئەم سێ هاووڵاتییە لە ماڵەکانی خۆیان بە بەکارهێنانیی تووندوتیژی و بەبێ نیشاندانی هیچ جۆرە بەڵگەیەکی دادوەری، لێیاندراوە و دەستگیر کراون؛ تاوەکو ئیستاش هیچ زانیارییەک لەبارەی چارەنووسیانە نییە.