کاتی جێبەجێکردنی پڕۆژەی ڕێگەی گەشەپێدان دیاری کرا

ئاڤا نیوز

 

وەزارەتی گواستنەوەی عێراق وادەی جێبەجێکردنی پڕۆژەی "رێگەی گەشەپێدان" دیاری دەکات و دەڵێت، حەوت پارێزگا بۆ دەستنیشانکردنی ڕێڕەوەکانی ئەو ڕێگایە ڕەزامەندیان نیشانداوە.

 

بۆچی گرنگە؟ پڕۆژەکە هاوکار دەبێت لە گەشەی ئابووری و پتەوکردنی پەیوەندییە هەرێمی و نێودەوڵەتییەکان بۆ بەدیهێنان و یەکخستنی ئابووری، هۆکارێکیشە بۆ بەستنەوەی ئابووریی ناوچەکە بە کیشوەری ئەوروپا.

 

خاڵە ئەرێنییەکان: پڕۆژەی "ڕێگەی گەشەپێدان" بریتییە لە ڕاکێشانی ڕێگەیەک لە بەسرەوە بۆ تورکیا، هەرێمی کوردستانیش بەشێکی گرنگی پرۆژەکە دەبێت.

 

لێدوانی فەرمی: یونس خالد کەعبی، بەڕێوەبەری کۆمپانیای گشتیی هێڵی ئاسنینی عێراق لە وەزارەتی گواستنەوە ڕایگەیاند: "لە سەرەتای ساڵی داهاتووەوە دەست بە جێبەجێکردنی ڕاستەقینەی پڕۆژەکە دەکرێت".

 

لەلایەکی دیکەوە: هەر ئەمڕۆ سوودانی سەرۆکایەتیی کۆبوونەوەی حەوتەمی لیژنەی باڵای پڕۆژەکەی کرد.