حەلبووسی: هەر بەربژێرێک لە دەرەوەی 'تەقەدووم' ڕەتدەکەینەوە

ئاڤا نیوز

 

سەرۆکی پارتی تەقەدووم ڕایدەگەیێنێت، هەر بەربژێرێک لە دەرەوەی پارتەکەیان بۆ پۆستی سەرۆکی ئەنجوومەنی نوێنەران ڕەتدەکەنەوە، بەو پێیەی زۆرینەی پەرلەمانی لای 'تەقەدووم'ـە.

 

لێدوانی فەرمی: محەممەد حەلبووسی، سەرۆکی پارتی تەقەدووم ڕایگەیاند، "لەسەر کەسایەتییەک بۆ پۆستی سەرۆکی پەرلەمان و هەمواری پەیڕەوی ناوخۆ، لە ڕۆژانی داهاتوودا کۆدەنگیەک دروست دەبێت". 

 

زانیاریی زیاتر: لەبارەی دەستنیشانکردنی کەسێک لە دەرەوەی پارتەکەی ئەوان بۆ پۆستی سەرۆکی پەرلەمان، حەلبووسی گوتی: " زۆرینەی پەرلەمانی لای پارتی تەقەدوومە، ئەمەش بەرکەوتەی سیاسی و هەڵبژاردنیشە".

 

ئەمەش بزانە: پێش چەند ڕۆژێک پارتی تەقەدووم، هەڕەشەی کشانەوەی تەواوەتی لە پەرلەمان و حکومەت کردبوو ئەگەر سەرۆکایەتی پەرلەمان بدرێتە پارتێکی دیکە.