پێشێلکاریی ئازادیی ڕۆژنامەوانی لە عێراق لە هەڵکشاندایە

ئاڤا نیوز

لە ساڵی ڕابردوودا 333 پێشێلکاری بەرامبەر ماف و ئازادیی ڕۆژنامەنووسان لە عێراق  تۆمارکراوە، ڕێکخراوێکی مافی ڕۆژنامەنووسان دەڵێت " ئەمە پێشهاتێکی مەترسیدارە".

وێنە گەورەکە: کۆمەڵەی بەرگریکردن لە ئازادیی ڕۆژنامەوانیی عێراق، ڕاپۆرتێکی لەبارەی پێشێلکردنی مافەکانی ڕۆژنامەنووسان بڵاو کردووەتەوە لە 03-05-2023 بۆ 02-05-2024 لە سەرجەم پارێزگاکانی عێراق.

ڕاگەیێنراوی فەرمی: کۆمەڵەی بەرگریکردن لە ئازادیی ڕۆژنامەوانی لە عێراق ڕایگەیاند: حکومەتی عێراقی بەشێوەیەکی نهێنی ماڵپەڕی هەواڵی و پەیچی سۆشیاڵ میدیای داخستووە، بێ ئەوەی هیچ ڕوونکردنەوەیەک لەو بارەیەوە بدات، ئەمەش پێشهاتێکی نوێیە لە پێشێلکردنی مافەکانی ڕۆژنامەنووسان لە عێراقدا.

ژمارەکان وا دەڵێن: 

زیندانیکردن و دەستبەسەرکردن:  56 حاڵەت
بریندارکردن: هەشت حاڵەت
لێدان و ڕێگری و لەمپەردروستکردن: 232 حاڵەت
هێرشی چەکداری: 12 حاڵەت
تۆمارکردنی سكاڵا دژی ڕۆژنامەنووسان: 22 حاڵەت
حاڵەتی دیکە: هەشت حاڵەت