بەڕێوەبەری شوێنەواری سۆران لەبارەی كەللەسەری ژنە نیاندەرتاڵەكەوە قسە دەكات

ئاڤا نیوز  

بەڕێوەبەری شوێنەواری سۆران ڕایگەیاند، بەگوێرەی لێکۆڵینەوە و توێژینەوەکانی زانکۆی کامبریج، کەلـلەسەری ئەو ژنەی لە ئەشکەوتی شانەدەر دۆزرایەوە، مێژووەکەی بۆ 75 هەزار ساڵ پێش ئێستا دەگەڕێتەوە.

بۆچی گرنگە: دۆزینەوەیەکی شوێنەواری نوێ وەک کەلـلەسەری ژنێکی نیاندەرتاڵ لە ئەشكەوتی شانەدەر لە هەولێر ، بۆ ناسین و پاراستنی شوێنەوار و كەلەپووری كورد گرنگە.

لێدوانی فەرمی: عەبدوەهاب سلێمان، بەڕێوەبەری شوێنەواری سۆران بۆ ئاڤا نیوز گوتی: بەهۆی کەلـلەسەری ئەو ژنەوە، زانایانی جیهان بۆ یەکەمجار توانیویانە شێوەی ڕاستەقینەی ڕووخساری نیاندەرتاڵەکان دیاری بکەن.

ئەوەی پێویستە بیزانیت: دوای نزیکەی 10 ساڵ کارکردنی تیمی زانکۆی کامبریجی بەریتانیی بە هاوکاریی تیمەکانی شوێنەوارناسیی هەرێمی کوردستان، توانرا کەلـلەسەری ئەو ژنە لە ناوەڕاستی ئەشکەوتی شانەدەر و لە قووڵی 14 مەتر بدۆزنەوە.