بەهمەنی قوبادی: وڵات بەبێ هونەر دەمرێت

ئاڤا نیوز

 

بەهمەنی قوبادی، دەرهێنەری ناوداری کورد لە چاوپێکەوتنێکی تایبەتی ئاڤا میدیا باسی لەو کێشانە کرد کە دێنە بەردەم هونەر و بە تایبەت فیلمسازان، لەمبارەیەوە گوتی "گەورەترین کێشە لەبەردەم فیلم و سینەمای کوردی تێنەگەیشتنی ئێمەیە لە بواری سینەما". 

 

لێدوانی فەرمی: بەهمەنی قوبادی ڕایگەیاند: گەورەترین کێشەکان لە خودی دەق و ئەکتەردا نییە، بەڵکو کێشەکە لە تێنەگەیشتنی ئێمەیە لە مانای سینەما و نەزانینی بەرهەمهێنانی کارێکی سینەمایی.

 
ئەوەی لەبارەیەوە دەگوترێت: زۆر جار گلەیی لەوە دەکرێت کە بۆچی فیلم دروست ناکرێت لەکاتێکدا بەرهەمهێنانی فیلمێک پێوستی بە چەندین تێچوو هەیە و تەنیا نووسین و دەق و بیرۆکەکە نییە. 

 

ئەمەش بزانە: بەهمەنی قوبادی دەڵێت: دەبێت سەرەتا لەوە تێبگەین کە سینەما چییە و چەند کەسێکیش دڵسۆزی سینەما بن، بێگومان ئەم کێشانە نەک تەنیا هونەری سینەما، بەڵکو هونەرەکانی دیکەش دەگرێتەوە و وڵاتی بێ هونەر دەمرێت. 

 

باگکراوند: بەهمەنی قوبادی دەرهێنەری کورد، لە ساڵی 1969 لە بانەی ڕۆژهەڵاتی کوردستان لە دایکبووە ، لە ساڵی 1991 یەکەم کورتە فیلمی بەرهەم هێنا و خاوەنی چەندین فیلمی کورت و درێژە.