نوجەبا: لە بەرامبەر مانەوەی هێزەکانی ئەمریکا هەڵوێستمان دەبێت

ئاڤا نیوز  

یەکێک لە دیارترین گرووپە چەکدارەکانی عێراق ڕایدەگەیێنێت، "ڕەنگە حکومەتی عێراق لە قۆناغی داهاتوودا "ئاڵای سپی" لە بەرامبەر دەرچوونی هێزەکانی ئەمریکا هەڵبکات، بەڵام ئەوان بەبێ دەنگی نامێننەوەو هەڵوێستیان دەبێت.

وێنە گەورەكە: گوشاری گرووپە چەکدارەرکانی عێراق بۆ سەر حکومەتەکەی سوودانی پەیوەست بە دەرچوونی هێزەکانی ئەمریکا بەردەوامە. لە میانی سەردانەکەی بۆ واشنتن سەرۆکوەزیرانی عێراق ئەوەی پشتڕاستکردەوە لیژنەیەکی دووقۆڵی بۆ ڕێکخستنەوەی ئەرکەکانی هاوپەیمانیی نێودەوڵەتی لە وڵاتەکەی پێکهێنراوە.

لێدوانی فەرمی: فیراس یاسر، ئەندامی مەکتەبی سیاسی بزووتنەوەکە ڕایگەیاند: دۆسیەی دوورخستنەوەی هێزە ئەمریکا لە عێراق بە سەرۆکوەزیران سپێردراوە، ئەویش بەڵێنی بە چوارچێوەی هەماهەنگی و گرووپەکان و پەرلەمان و خەڵک داوە ، کار بۆ چارەسەرکردنی ئەم دۆسیەیە دەکات.

زانیاریی زیاتر: فیراس یاسر ئاماژە بەوە دەکات "دروستکرنی گوشار پاڵ بە ئەمریکا دەنێت تاوەکو هێزەکانی لە عێراق بکێشێتەوە، یەکێک لەو گوشارانەش گرووپە عێراقییەکانن. ئەگەر حکومەت لە ئەنجامی ئەو گوشارانە "ئاڵای سپی" هەڵبکات، ئەوا گرووپەکان هەڵوێستی خۆیان دەبێت".