ڕاوێژکاری ئاسایشی نیشتیمانی ئیسرائیل: دەرفەتی كوشتنی سینوارمان لە دەستدا

ئاڤا نیوز

ڕاوێژکارێکی ئاسایشی نیشتیمانی ئیسرائیل دەڵێت، چەند ڕۆژێک پێش ئێستا  دەرفەتی کوشتنی سەرۆکی حەماسمان لە دەستدا.

لێدوانی فەرمی: تزاچی هانگبی، ڕاوێژکاری ئاسایشی نیشتمانی ئیسرائیل ڕایگەیاند: چەند ڕۆژێک لەمەوبەر دەرفەتی کوشتنی یەحیا سینوارمان لەدەستدا، بەڵام ناهێڵین بە زیندوویی لەم شەڕە دەربچێت.

زانیاریی بەدەستهاتوو: بەپێی قسەکانی تزاچی، "ئۆپەراسیۆنی کۆنترۆڵکردنی ڕەفەح تەنها پەیوەندی بەکاتەوە هەیە و هەر دەیکەن".

وێنە گەورەکە: لەکاتێکدا شەڕ لە غەززە لەنێوان ئیسرائیل و حەماس بەردەوامە، وڵاتانی جیهان داوا لە ئیسڕائیل دەکەن هێرش نەکاتە سەر ڕەفەح، بەهۆی ئەوەی کارەساتی گەورەی لێدەکەوێتەوە، بەڵام ئیسرائیل سوورە لەسەر ئەنجامدانی ئۆپەراسیۆنەکەی.