پەسەند نەكردنی بوودجە كێشە بۆ پێنج وەزارەت دروست دەكات

ئاڤا نیوز

لیژنەی پلاندانانی ستراتیژی و خزمەتگوزاری فیدراڵی لە پەرلەمانی عێراق ئاشکرای دەکات، پێنج وەزارەت لەتەواوکردنی پرۆژەکانیاندا  لەئاستی پێویستدا نین و کەمتەرخەم بوون.

لێدوانی فەرمی: محەمەد بەلداوی، جێگری سەرۆکی لیژنەی پلاندانان و ستراتیژی و خزمەتگوزاری فیدراڵی لە پەرلەمانی عێراق ڕایگەیاند: "ئەو وەزارەتانە ئەو ئەرکانەی پێیان سپێردرابوو نەیانتوانیوە بە ئەنجامی بگەیەنن".

زانیاریی زیاتر: بەلداوی  هۆکاری ئەم کەمتەرخەمیەی گەڕاندەوە بۆ "ئەگەری دروستبوونی کێشەی دارایی بەهۆی دواکەوتنی پەسەندکردنی یاسای بوودجە".

ئەوەی پێویستە بیزانیت: "ئەو وەزارەتانە بوودجەی پێویستیان بۆ ئەو پڕۆژانە تەرخان نەکردووە، هەروەها پڕۆژە هەیە لەبنەڕەتدا بەشێوەیەکی دروست پلانی بۆ دانەنراوە بۆیە پەکی کەوتووە". بەلداوی وای گوت.

 

وێنە گەورەکە: ڕۆژی سێشەممە کۆبوونەوەی ئەنجوومەنی وەزیرانی عێراق دەکرێت، ئەگەر لەو وادەیەدا خشتەی بوودجەی ساڵی 2024 ڕەوانەی ئەنجوومەنی نوێنەران نەکرێت، ڕەنگە تا مانگی حەوت دوابکەوێت، چونکە ڕۆژێک دواتر وەرزی پشووی یاسادان دەستپێدەکات.