پلانی گەشەپێدانی نیشتمانی پێنج ساڵە پێشکەشی حکومەتی عێراق دەکرێت

ئاڤا نیوز

 

وەزارەتی پلاندانانی عێراق، پلانی گەشەپێدانی نیشتمانیی پێنج ساڵەی تەواو کرد و پێشکەشی ئەنجوومەنی وەزیرانی کردووە بۆ ئەوەی پەسندی بکات.

 

لێدوانی فەرمی: عەبدولزەهرە هنداوی، گوتەبێژی وەزارەتی پلاندانانی عێراق ڕایگەیاند: "وەزارەتەکەمان  لە پلانی دایە ئەو ئاڵنگاری و مەترسییانەی لەبەرچاو دەگرێت کە لەوانەیە لە ماوەی پێنج ساڵی داهاتوودا ڕووبەڕووی بێتەوە".

 

زانیاریی زیاتر: لە پلانەکەدا بەگرنگییەوە تیشک خراوەتە سەر لایەنی کەشوهەوا، بەو پێیەی هەموو جیهان بەدەست گۆڕانی کەشوهەوا دەناڵێنێت.

 

ئەمەش بزانە: عێراق یەکێکە لەو وڵاتانەی زۆرترین کاریگەریی گۆڕانکاریی کەشوهەوای لەسەرە، وەک کەمی باران کە بووەتە هۆی بەبیابانبوون.

 

لە لایەکی دیکەوە: هنداوی ئاماژە بەوە دەکات، ستراتیژەکە بەرەو وزەی پاکیش هەنگاو دەنێت، بە پشتبەستن بە وزەی خۆر، هەروەها بەکارهێنانی شێوازی ئاودێریی مۆدێرن لە کشتوکاڵدا بۆ ڕێگریکردن لە بەفیڕۆدانی ئاو.