هێرشە ئاسمانییەکانی عێراق بۆ سەر داعش بەردەوامە

ئاڤا نیوز

 

شانەی ڕاگەیاندنی ئەمنیی عێراق ڕایدەگەیێنێت، لە سەرەتای ئەمساڵەوە تاوەکو ئێستا، چەندین هێرشیان کردووەتە سەر چەکدارانی داعش.

 

لێدوانی فەرمی: لیوا تەحسین خەفاجی، سەرۆکی شانەی ڕاگەیاندنی ئەمنیی عێراق ڕایگەیاند: "لە سەرەتای ئەمساڵەوە تاوکو کۆتایی مانگی نیسان هێزە ئەمنییەکانمان 31 هێرشی ئاسمانیان کردووە و بەهۆیەوە 30 تیرۆریست کوژراون و 46 دیوەخانیش لەنێوبراون".

 

زانیاریی زیاتر: خەفاجی ئاماژەی بەوەش کردووە، لەڕێگەی زانیارییەکانی دەزگەی بەرەنگاربوونەوەی تیرۆر، لە هێرشێکی ئاسمانی دیوەخانێک له پارێزگای سەلاحەدین کرایە ئامانج و ژمارەیەکی زۆر لە تیرۆریستان کوژران.