هەواڵگریی نیشتمانیی عێراق دۆسیەی ئەمنی نێوان بەغدا و هەولێر تاوتوێ دەکات

ئاڤا نیوز

 

ئەنجوومەنی هەواڵگری نیشتمانیی عێراق بە مەبەستی گەیشتن بە هەماهەنگی هەواڵگری، تاوتوێی دۆسیە ئەمنییەکانی نێوان حکومەتی عێراق و حکومەتی هەرێمی کوردستان دەکات.

 

چیرۆکە سەرەکییەکە: ئەمڕۆ یەکشەممە، ئەنجوومەنی هەواڵگری نیشتمانی بە سەرۆکایەتیی قاسم ئەعرەجی، ڕاوێژکاری ئاسایشی نیشتمانی بە ئامادەبوونی ژمارەیەک لە سەرکردەکانی هەوڵگریی نیشتمانی کۆبووەوە.

 

ڕاگەیێنراوی فەرمی: نووسینگەی ڕاگەیاندنی ڕاوێژکاری ئاسایشی نیشتمانیی عێراق ڕایگەیاند: "لە کۆبوونەوەکەدا ئەندامانی ئەنجوومەن کورتەیەکیان لەسەر پلانی کاری داهاتوو پێشکەشکرد، جگە لە گفتوگۆکردن لەسەر دۆسیە ئەمنییە هاوبەشەکانی نێوان حکومەتی ناوەند و حکومەتی هەرێمی کوردستان، بەمەبەستی بەدیهێنانی هەماهەنگی لەبواری ئەمنی و هەواڵگریدا".

 

زانیاریی زیاتر: ڕاوێژکاری ئاسایشی نیشتمانی جەختی لە گرنگیی جێبەجێکردنی ڕێنماییەکانی فەرماندەی گشتیی هێزە چەکدارەکان، پەیوەست بە پابەندبوون بە بوارەکانی کاری هەواڵگری و پیشەیی بوون لە ئەنجامدانی ئەرکە ئەمنییەکان کردەوە.