سەرۆکی هەرێمی کوردستان و فەرماندەی سوپای پاسداران: بۆ سەقامگیریی ناوچەکە پێویستە هەماهەنگ بین

ئاڤا نیوز 

 

له‌ چوارچێوه‌ى به‌رنامه‌ى سه‌ردانییەکەی بۆ تاران نێچیرڤان بارزانی، سەرۆکی هەرێمی کوردستان لەگەڵ جه‌نه‌راڵ حسێن سه‌لامى، فه‌رمانده‌ى گشتيى سوپاى پاسدارانى كۆمارى ئيسلاميى ئێران كۆبووه‌وه‌.

 

ڕاگەیێنراوی فەرمی: لە دیداری سەرۆکی هەرێمی کوردستان و فه‌رمانده‌ى گشتيى سوپاى پاسداران، هەردوولا جەختیان لە گرنگيى هاوکاری و هه‌ماهه‌نگیى لايه‌نه‌ په‌يوه‌نديداره‌كانى كۆمارى ئيسلاميى ئێران له‌گه‌ڵ عێراق و هه‌رێمى كوردستاندا كرده‌وه‌ بۆ پاراستنى ئاسايش و ئاراميى سنووره‌كان.

 

ئەوەی پێویستە بیزانیت: بە گرنگی باس لە كاريگه‌رى و لێكه‌وته‌كانى شه‌ڕ و پێكدادانيان له‌ ڕۆژهه‌ڵاتى ناوه‌ڕاست له‌سه‌ر دۆخى ناوچه‌كه‌ کرا، ئەوەش خرایەڕوو کە پێویستە له‌پێناو پاراستنى سه‌قامگيريدا كار بكه‌ن و ڕێگه‌ نه‌درێت ئاڵۆزييه‌كان ته‌شه‌نه‌ بكه‌ن.