پێشەوا هەورامانی: بەشداریی TBI بژارەی زیاتر دەداتە هاووڵاتیانی هەرێمی کوردستان

ئاڤا نیوز

گوتەبێژی حکومەتی هەرێمی کوردستان ئاشكرای كرد، 'هەژماری من' فراوانتر کراوە، بۆ ئەوەی تیمی پشتگیری و تەکنەلۆژیا دروست بکرێت بۆ دڵنیابوون لە پێشکەشکردنی باشترین خزمەتگوزاری.

وێنە گەورەکە: بانکی عێراقی بۆ بازرگانی (TBI) بووە حەوتەمین بانک بەشدار لە پڕۆژەی 'هەژماری من' و ئەمەش بژارەی زۆر دەخاتە بەردەم هاووڵاتیان بۆ ئەوەی هەژماری خۆیان بکەنەوە.

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان بە ئاڤا نیوزی ڕاگەیاند: "بەشداری TBI بژاردەی زیاتر دەداتە هاووڵاتیان، بۆ ئەمەش هاندان و تامەزرۆیی زیاتر دەداتە بەشداریکردنی هاووڵاتیان لە بانکی زیاتری  نێو پڕۆژەی هەژماری من."

زانیاریی زیاتر: "براندینگ" بە هەژماری من کراوە، بۆ ئەوەی تیمی پشتگیری و تەکنەلۆژیا دروست بکرێت بۆ دڵنیابوون لە پێشکەشکردنی باشترین خزمەتگوزاری، هەژماری من و تەوتین هیچ جیاوازییەکیان نییە. پێشەوا هەورامانی وای گوت.

خاڵە ئەرێنییەکان:

ـ بانکی عێراقی بۆ بازرگانی (TBI) یەکێکە لە باشترین و گەورەترین بانکەکانی عێراق.
ـ فەرمانبەرانی کوردستان دەتوانن 100%ی مووچەکەیان بە ATM  ڕابکێشن.
ـ پارەی هاووڵاتیان لە بانکە مۆڵەتپێدراوەکانی بانکی ناوەندیی عێراق بیمە کراوە.
ــــ هەژمار تایبەتە بە فەرمانبەرانن و حکومەت ناتوانێت دەستکارییان بکات.