مووچەی خانەنشینی كرێكارانی سلێمانی دابەش دەكرێت

ئاڤا نیوز

بەڕێوەبەرایەتی كار و دەستەبەری كۆمەڵایەتی بۆ كرێكاران- سلێمانی ڕایگەیاند، سبەی دەست بە دابەشكردنی مووچەی خانەنشینی كرێكارانی سلێمانی دەكرێت.

ڕاگەیێنراوی فەرمی: بەڕێوەبەرایەتی كار و دەستەبەری كۆمەڵایەتی بۆ كرێكاران-سلێمانی، ئاگاداری كرێكارانی خانەنشینی ناوخۆی ھەرێمی كوردستان دەكاتەوە، سبەی ڕۆژی پێنجشەممە نۆی ئایار دەست بە دابەش كردنی مووچەكانیان دەكرێت.

زانیاریی زیاتر: كرێكارانی خانەنشینكراو، دەتوانن سەردانی بانكی مەڵكەندی بكەن بۆ وەرگرتنی ھەردوو مووچەی مانگی سێ و چواری 2024.

ئەوەی پێویستە بیزانیت: بەپێی یاسای خانەنشینی و دەستەبەری کۆمەڵایەتی، کە لە هەرێمی کوردستان کاری پێ دەکرێت، خانەنشینیی پیاوان بە 20 ساڵ خزمەت و 60 ساڵ تەمەن و بۆ ژنانیش 20 ساڵ خزمەت و 55 ساڵ تەمەن دیاری کراوە.

 

باكگراوند: لە هەرێمی كوردستان نزیکەی هەزار کەس مووچەی خانەنشینی کرێکاری وەردەگرن.