پێشمەرگە سێ بۆمبی چێنراوی داعش پووچەڵ دەكاتەوە

ئاڤا نیوز

 

وەزارەتی پێشمەرگەی حکومەتی هەرێمی کوردستان ڕایگەیاند، سێ بۆمبی چێنراو لە ناوچەی قادركەرەم لەلایەن هێزەکانی پێشمەرگەوە پووچەڵكراونەتەوە كە داعش داینابوون.

 

ڕاگەیێنراوی فەرمی: لە ئۆپەراسیۆنێكی سەربازی هێزەكانی لیوای 16ی پیادەی وەزارەتی پێشمەرگە بەهاوكاری فەرماندەیی كۆماندۆ، سێ بۆمبی چێنراو لە نزیک گوندی قوشەڵانی ناحیەی نەوجول لە قادركەرەم پوچەڵكرانەوە.

 

زانیاری زیاتر: بۆمبەكان لەلایەن  داعشەوە دانراون و لەلایەن تیمی ئەندازەی كۆماندۆوە پوچەڵكراونەتەوە.وەزارەتی پێشمەرگە وا دەڵێت.

 

بۆچی گرنگە: ئەو بۆمبانە ئەگەر پووچەڵ نەکرانایەتەوە مەترسییان بۆ ژیانی هاووڵاتییان درووست دەکرد.

 

وێنە گەورەکە: چەکدارانی داعش هێشتا مەترسین بۆ سەر دانیشتووانی ناوچە دابڕێنراوەکانی دەرەوەی ئیدارەی هەرێمی کوردستان و ناوبەناو هاووڵاتیانی ئەو ناوچانە دەڕفێنن.