ڕووسیا بۆ بەریتانیا: وەڵامێكی تووندمان دەبێت

ئاڤا نیوز

 

دوای ئەوەی بەریتانیا، دیپلۆماتكارێكی ڕووسیای بەتۆمەتی سیخوڕی كردن لە وڵاتەكەی دەركرد،  ڕووسیاش تۆمەتەكان ڕەتدەكاتەوە.

 

وێنە گەورەكە: وەزیری بەرگریی بەریتانیا ڕایگەیاند، دیپلۆماتكارێكی ڕووسیایان لە وڵاتەكەیان دەركردووە، بەهۆی ئەوەی كاری سیخوڕی كردووە و سیفەتی دیپلۆماتكارییەكەی لێوەرگیراوەتەوە. ئەمەش ڕووسیای نیگەران كردووە.

 

ڕاگەیێنراوی فەرمی: ماریا زاخارۆڤا، گوتەبێژی وەزارەتی دەرەوەی ڕووسیا ڕایگەیاند: ”پاساوەكانی حكومەتی بەریتانیا بۆ دەركردنی دیپلۆماتكارەكەمان درۆیە، با لەندەن دڵنیا بێت مۆسكۆ وەڵامی تووندی بۆ ئەو كارە دەبێت".

 

ئەوەی پێویستە بیزانیت: دیپلۆماتكارە رووسییەكە لە بەریتانیا دەركراوە، جارێكی دیكە بۆی نییە لەو وڵاتە كاری سیاسی بكات و سیفەتی دیپلۆماتكاری لێسەنراوەتەوە.